ایمان کی نشانیوں میں سے ایک بلند آواز میں "بسم اللہ الرحمن الرحیم" پڑھنا ہے: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور بدھ 2 ذی القعدہ 1446 ہجری کو منعقد ہوا۔ جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے کام اور عمل کے شروع میں "بسم اللہ الرحمن الرحیم” پڑھنے کی فضیلت کے سلسلہ میں فرمایا: روایت میں ہے۔ "ہر وہ کام جس کا آغاز بسم اللہ الرحمن الرحیم سے نہ ہو. ابتر ہے” اور دوسری روایت میں ہے۔ "ہر وہ عمل جس میں اللہ کا نام نہ لیا گیا ہو وہ ابتر ہے.”

آیۃ اللہ العظمیٰ شیرازی نے فرمایا: امام جعفر صادق علیہ السلام کی روایت کے مطابق "بسم اللہ الرحمن الرحیم” قرآن کریم کی عظیم ترین آیت ہے۔

انہوں نے زور دیتے ہوئے فرمایا: ایمان کی نشانیوں میں سے ایک بلند آواز میں "بسم اللہ الرحمن الرحیم پڑھنا ہے۔”

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔