چینی تعاون سے کربلا میں ایک بڑے صنعتی شہر کی تعمیر، عراق کی اقتصادی ترقی میں ایک نیا قدم

عراق کی وزارت صنعت و معادن نے کربلا شہر کے قریب ایک بڑے صنعتی مرکز کی تعمیر کے لئے ایک چینی کمپنی کے ساتھ معاہدہ کیا ہے، جس کا مقصد مقامی معیشت کو مضبوط کرنا اور روزگار کے مواقع فراہم کرنا ہے۔

عراق کی سرکاری خبر رساں ایجنسی کے مطابق یہ منصوبہ کربلا آئل ریفائنری کے قریب نافذ کیا جائے گا اور حکام کے مطابق یہ عراق کے صنعتی ڈھانچے کی ترقی کا ایک اہم حصہ ہے۔

چین جو اب عراق کا سب سے بڑا تجارتی شراکت دار ہے ملک کے سرمایہ کاری اور توانائی کے منصوبوں میں اہم کردار ادا کرتا ہے۔

ماہرین کا خیال ہے کہ ایسے منصوبوں پر عمل در آمد کربلا سمیت عراق کے مختلف صوبوں میں پائیدار اقتصادی ترقی کی راہ ہموار کر سکتا ہے۔