حج، محرم اور اربعین سے قبل زائرین کے مسائل حل کئے جائیں: علامہ میثمی

شیعہ علماء کونسل پاکستان کے مرکزی سیکرٹری جنرل علامہ شبیر حسن میثمی اور مرکزی سیکرٹری اطلاعات زاہد علی آخونزادہ نے وفاقی وزیر مذہبی امور و بین المذاہب ہم آہنگی سردار محمد یوسف سے ملاقات کرکے حج و زیارات سے متعلق معاملات پر گفتگو کی اور بعض عوامی مسائل سے وفاقی وزیر کو آگاہ کیا گیا۔

حج،محرم اور اربعین سے قبل ان مسائل کو حل کر کے زائرین کو سہولتیں فراہم کرنے کی اپیل کی ، وزیر مذہبی امور نے رواں برس حج و زیارات میں عوام کو مزید بہتر سہولتیں دینے کی یقین دھانی کروائی ، وفاقی وزیر نے ملک بھر میں اتحاد بین المسلمین کے لیے بھی باہمی کاوشوں کو اہم قرار دیا ،علامہ شبیر حسن میثمی نے بانی اتحاد امت و علامہ سید ساجد علی نقوی کی زیر قیادت اتحاد بین المسلمین کے لیے ملک بھر میں جاری اقدامات سے آگاہ کیا اور باہمی کاوشوں کو وقت کا اہم تقاضہ قرار دیا۔