افغانستان میں شیعہ اکثریتی علاقہ مزار شریف میں دھماکہ، 1 خاتون شہید 3 زخمی

طالبان حکام نے دھماکے کے بعد علاقے کا محاصرہ کرلیا۔ ابتدائی تحقیقات کے دوران پتہ چلا کہ دھماکہ مسجد میں نصب ڈیوائس میں ہوا۔ تاحال کسی گروپ نے دھماکے کی ذمہ داری قبول نہیں کی ہے۔

افغانستان کے شمالی صوبہ بلخ کے دارالحکومت مزار شریف میں مسجد کے قریب دھماکہ ہوا، دھماکہ اتنی شدید نوعیت کا تھا آس پاس کی عمارتیں لرز اُٹھیں اور گاڑیوں کے شیشے ٹوٹ گئے۔ چار افراد کو شدید زخمی حالت میں قریبی ہسپتال منتقل کیا گیا جہاں 1 خاتون کے جاں بحق ہونے کی تصدیق کردی گئی۔ ہسپتال انتظامیہ نے بتایا کہ ایک زخمی کی حالت نازک ہونے کے باعث ہلاکتوں میں اضافہ کا خدشہ ہے۔

طالبان حکام نے دھماکے کے بعد علاقے کا محاصرہ کرلیا۔ ابتدائی تحقیقات کے دوران پتہ چلا کہ دھماکہ مسجد میں نصب ڈیوائس میں ہوا۔ تاحال کسی گروپ نے دھماکے کی ذمہ داری قبول نہیں کی ہے تاہم طالبان کے اقتدار سنبھالنے کے بعد سے ایسی واقعات میں داعش خراسان ملوث رہی ہے۔ یاد رہے کہ مزار شریف کی یہ مسجد شیعہ ہزارہ کمیونیٹی کی ہے اور یہاں 2022 میں ہونے والے دھماکے میں درجنوں افراد شہید ہوگئے تھے۔