اللہ تعالی اور معصومین علیہم السلام دونوں سے حاجات طلب کرنا صحیح ہے: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور بدھ 10 شوال 1446 ہجری کو منعقد ہوا۔ جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے سورہ اعراف آیت 55 اور سورہ مائدہ آیت 35 کی جانب اشارہ کرتے ہوئے فرمایا: انسان یا براہ راست اللہ تعالی سے "یا اللہ” کہہ کر اپنی حاجت طلب کر سکتا ہے۔ یا معصومین علیہم السلام کے وسیلے سے مثلا "یا رسول اللہ” کہہ کر بھی اپنی حاجات طلب کر سکتا ہے۔

آیۃ اللہ العظمیٰ شیرازی نے فرمایا: لہذا دونوں طریقوں کا استعمال درست ہے اور دعا بذات خود اسباب میں سے ہے اور اللہ تعالی اور معصومین علیہم السلام سے مانگنا اس کا سبب ہے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔