انبیاء و ائمہ اطہار علیہم السلام اور شہداء کے زندہ ہونے کا مطلب روح کے جسم سے نکلنے کے بعد زندہ ہونا ہے: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور ہفتہ 6 شوال 1446 ہجری کو منعقد ہوا۔ جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے انبیاء و ائمہ اطہار علیہم السلام اور شہداء کے زندہ ہونے کے سلسلہ میں فرمایا: انبیاء و ائمہ اطہار علیہم السلام اور شہداء کے زندہ ہونے کا مطلب روح کے جسم سے نکلنے کے بعد زندہ ہونا ہے۔

آیۃ اللہ العظمیٰ شیرازی نے مزید فرمایا: قرآن کریم میں رسول اللہ صلی اللہ علیہ وآلہ کے سلسلہ میں لفظ "میت” استعمال ہوا ہے، جس کا مطلب جسم سے روح کا نکل جانا بھی ہے اور یہ بھی مطلب ہے کہ تمام انسان حتی رسول اکرم صلی اللہ علیہ وآلہ بھی اس دنیا سے رحلت کر گئے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظهر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔