ماضی سے آج تک فقہاء کے نزدیک تالی بجانا حرام نہیں ہے:  آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور منگل شب 17 رمضان المبارک 1446 ہجری کو منعقد ہوا۔ جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے سورہ انفال آیت 35 "وَمَا كَانَ صَلَاتُهُمْ عِندَ الْبَيْتِ إِلَّا مُكَاءً وَتَصْدِيَةً ۚ فَذُوقُوا الْعَذَابَ بِمَا كُنتُمْ تَكْفُرُونَ” (ان کی تو نماز بھی مسجد الحرام کے پاس صرف تالی اور سیٹی ہے لہذا اب تم لوگ اپنے کفر کی بنا پر عذاب کا مزہ چکھو۔) کو بیان کرتے ہوئے فرمایا: اس آیت کریمہ میں تالی بجانے کی مذمت صرف نماز کے دوران ایسا کرنے میں ہے۔

آیۃ اللہ العظمیٰ شیرازی نے فرمایا: اس آیت شریفہ کا ہرگز یہ مطلب نہیں کہ تالی بجانا بالکل حرام ہے۔

آیۃ اللہ العظمیٰ شیرازی نے مزید فرمایا: ماضی سے آج تک فقہاء کے نزدیک تالی بجانا حرام نہیں ہے، البتہ بعض فقہاء نے مکروہ جانا ہے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ علمی جلسات آپ کے دفتر واقع ایران، قم مقدس، خیابان چہار مردان، کوچہ 6 میں بعد نماز مغربین منعقد ہوتا ہے‌۔

آپ ان علمی جلسہ کو براہ راست امام حسین علیہ السلام سیٹلائٹ چینل یا فروکوئنسی 12073 پر دیکھ سکتے ہیں۔