سعودی عرب میں گزشتہ ہفتہ 23865 غیر قانونی تارکین گرفتار

ریاض۔ سعودی عرب میں غیر قانونی تارکین کے خلاف کام کرنے والی مشترکہ کمیٹی نے گزشتہ ہفتے 23865 غیر قانونی تارکین کو گرفتار کیا ہے۔سعودی پریس ایجنسی کے مطابق غیر قانونی تارکین کے خلاف کام کرنے والی مشترکہ کمیٹی کی جانب سے جاری بیان میں کہا گیا ہے کہ یہ گرفتاریاں 6 مارچ سے 12 مارچ 2025 کے درمیان ہوئی ہیں جن میں سے 16644 اقامہ قوانین کی خلاف ورزی ،3896 گرفتار شدگان سرحدی قوانین کی خلاف ورزی جبکہ 3325 تارکین لیبر قوانین کی خلاف ورزی میں ملوث تھے۔

انہوں نے کہا کہ مذکورہ عرصہ کے دوران 1432 افراد گرفتار ہوئے ہیں جو سرحد عبور کر کے ملک میں غیر قانونی طور پر داخل ہونے کی کوشش کر رہے تھے۔جن میں سے 29 فیصد یمنی، 67 فیصد ایتھوپی جبکہ 4 فیصد دیگر ممالک کے تارکین تھے۔کمیٹی نے کہا ہے کہ غیر قانونی تارکین کو سہولت فراہم کرنے پر 13 افراد گرفتار ہوئے ہیں۔ دوسری جانب وزارت داخلہ نے کہا ہے کہ غیر قانونی تارکین کو کسی بھی قسم کی سہولت فراہم کرنا سنگین جرم ہے جس پر 15 سال قید اور 10 لاکھ ریال جرمانہ ہوسکتا ہے۔