اگر تقیہ میں حرام اور واجب میں اختلاف ہو جائے تو غور کرنا ہوگا کہ کون اہم ہے: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور شب پنجم رمضان المبارک 1446 ہجری کو منعقد ہوا۔ جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے قرآنی آیات کی تفسیر میں بعض اختلافات کی وجہ کے سلسلہ میں فرمایا: ان اختلافات کا سبب بعض ظواہر کا آپس میں تصادم ہے، یعنی بعض اوقات 2 امر لازم واقع ہوتے ہیں اور مکلف ان کو جمع نہیں کر سکتا اور یہ واضح نہیں ہوتا کہ کون پہلے ہے اور کس میں اختیار ہے۔

آیۃ اللہ العظمیٰ شیرازی نے فرمایا: اگر تقیہ میں حرام اور واجب کے درمیان اختلاف ہو تو غور کرنا ہوگا کہ کون اہم ہے یا ان میں سے کوئی بھی اہم نہیں ہے۔ اگر ان میں سے کسی کی اہمیت واضح ہو جائے تو اس پر عمل کرنا ضروری ہے اور اگر کسی کی اہمیت واضح نہ ہو تو اس میں اختیار ہے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ علمی جلسات آپ کے دفتر واقع ایران، قم مقدس، خیابان چہار مردان، کوچہ 6 میں ایرانی وقت کے مطابق صبح 11:15 بجے منعقد ہوتا ہے‌۔

آپ ان علمی جلسہ کو براہ راست امام حسین علیہ السلام سیٹلائٹ چینل یا فروکوئنسی 12073 پر دیکھ سکتے ہیں۔