ایک وقت تھا جب صرف خدا تھا، زمان و مکان سمیت کوئی چیز موجود نہ تھی: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور پیر 25 شعبان المعظم 1446 ہجری کو منعقد ہوا جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے اس مفہوم کی وضاحت کرتے ہوئے کہ خدا زمان و مکان میں موجود نہیں ہے، فرمایا: وقت سورج کی گردش اور دنوں، مہینوں اور برسوں کے گزرنے کے ساتھ ظاہر ہوتا ہے، جبکہ سورج کا ابتدا میں کوئی وجود نہ تھا اور اسے اللہ تعالی نے پیدا کیا جیسے زمین اور دیگر کروں کو بھی اللہ تعالی نے پیدا کیا اس لئے ابتدا میں وقت نہ تھا اور وقت کا خالق اللہ تعالی ہی ہے۔

آیۃ اللہ العظمیٰ شیرازی نے فرمایا: جگہ و مکان بھی اللہ تعالی نے پیدا کیا ہے کیونکہ اس سے پہلے کوئی جگہ اور مکان نہیں تھا یعنی ایک زمانہ تھا جب صرف خدا تھا زمان و مکان سمیت کوئی چیز بھی نہ تھی۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ علمی جلسات آپ کے دفتر واقع ایران، قم مقدس، خیابان چہار مردان، کوچہ 6 میں ایرانی وقت کے مطابق صبح 11:15 بجے منعقد ہوتا ہے‌۔

آپ ان علمی جلسہ کو براہ راست امام حسین علیہ السلام سیٹلائٹ چینل یا فروکوئنسی 12073 پر دیکھ سکتے ہیں۔