عراق کی آبادی 46؍ ملین سے تجاوز کرگئی، شرح خواندگی 16؍ فیصد سے بھی کم

عراق نے آج اعلان کیا کہ ملک کی آبادی 46؍ ملین سے تجاوز کر گئی ہے، جو مردم شماری کے بعد سامنے آنے والے ابتدائی اعداد و شمار میں معمولی اضافہ ہے، جو تقریباً چار دہائیوں کے بعد گزشتہ سال نومبر میں کرائی گئی تھی۔ عراق کی سرکاری خبر رساں ایجنسی آئی این اے نے وزارت منصوبہ بندی کا حوالہ دیتے ہوئے اطلاع دی کہ عراق کی آبادی نومبر 2024ء میں اعلان کردہ 4ء45؍ ملین کے ابتدائی اعداد و شمار سے بڑھ کر 118ء46؍ ملین ہو گئی ہے۔

وزارت کے مطابق عراق کی 17ء70؍ فیصد آبادی شہروں میں رہتی ہے جبکہ 83ء29؍ فیصد دیہی علاقوں میں رہتی ہے۔ شمالی عراق کی کرد علاقائی حکومت (کے آر جی) میں 57ء84؍ فیصد آبادی شہری علاقوں میں رہتی ہے، اور 43ء15؍ فیصد دیہی علاقوں میں رہتی ہے۔

رپورٹ میں یہ بھی بتایا گیا کہ عراق میں ناخواندگی کی شرح 31ء15؍ فیصد ہے جبکہ کے آر جی میں یہ 23ء16؍ فیصد ہے۔ اس نے مزید کہا کہ شادی کی اوسط عمر 24ء22؍ سال ہے جس میں مردوں کی 06ء24؍ سال اور خواتین کی 7ء20؍ سال ہے۔ نومبر کی مردم شماری میں شمالی عراق کے کرد علاقے سمیت پورے ملک کا احاطہ کیا گیا جو 37؍ سال میں پہلی بار ہوا ہے۔