قرآن کریم کے مطابق امیر المومنین علیہ السلام رسول اللہ صلی اللہ علیہ وآلہ کے نفس و جان ہیں: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور بدھ 20 شعبان المعظم 1446 ہجری کو منعقد ہوا۔ جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے عقیدہ توحید، نبوت و ولایت کے سلسلہ میں فرمایا: توحید، رسالت اور امامت پر ایمان لانے کے لئے ضروری ہے کہ مانا جائے کہ امیر المومنین علیہ السلام قرآن کریم کے مطابق رسول اللہ صلی اللہ علیہ وآلہ کے نفس و جان ہیں۔

آیۃ اللہ العظمیٰ شیرازی نے فرمایا: اگر کوئی ولایت کو نہ مانے اگرچہ توحید اور نبوت پر عقیدہ رکھتا ہو تو اللہ اس کے ایمان کو قبول نہیں کرے گا۔

آیۃ اللہ العظمیٰ شیرازی نے فرمایا: لہذا توحید، نبوت اور ولایت کو ایک ساتھ مانا جائے اور ان تینوں کو الگ الگ ماننا قابل قبول نہیں ہے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ علمی جلسات آپ کے دفتر واقع ایران، قم مقدس، خیابان چہار مردان، کوچہ 6 میں ایرانی وقت کے مطابق صبح 11:15 بجے منعقد ہوتا ہے‌۔

آپ ان علمی اجلاس کو براہ راست امام حسین علیہ السلام سیٹلائٹ چینل یا فروکوئنسی 12073 پر دیکھ سکتے ہیں۔