ہر خوبصورت آواز غنا نہیں، بلکہ حکم ہے کہ قرآن کریم کو خوبصورت آواز میں پڑھا جائے: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور بدھ 14 شعبان المعظم 1446 ہجری کو منعقد ہوا جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے میوزک کے سلسلہ میں فرمایا: میوزک کے موضوع اور مصداق کی تشخیص ماہرین کی ذمہ داری ہے جو میوزک میں مہارت رکھتے ہیں۔

آیۃ اللہ العظمیٰ شیرازی نے مزید فرمایا: لیکن اس کا حکم اور یہ کہ یہ میوزک غنا کے حکم میں ہے یہ معین کرنا فقیہ جامع الشرائط کی ذمہ داری ہے۔

آیۃ اللہ العظمیٰ شیرازی نے فرمایا: ہر خوبصورت آواز غنا نہیں، بلکہ حکم ہے کہ قرآن کریم کو خوبصورت آواز میں پڑھا جائے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ علمی جلسات آپ کے دفتر واقع ایران، قم مقدس، خیابان چہار مردان، کوچہ 6 میں ایرانی وقت کے مطابق صبح 11:15 بجے منعقد ہوتا ہے‌۔

آپ ان علمی اجلاس کو براہ راست امام حسین علیہ السلام سیٹلائٹ چینل یا فروکوئنسی 12073 پر دیکھ سکتے ہیں۔