حضرت فاطمہ زہرا سلام اللہ علیہا ابتدائے تخلیق سے انتہائے خلقت تک دنیا کی تمام عورتوں کی سردار ہیں: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور بدھ 13 شعبان المعظم سن 1446 ہجری کو منعقد ہوا۔ جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے حضرت فاطمہ زہرا اور حضرت مریم سلام اللہ علیہما کی مشترک خصوصیت "دنیا کی عورتوں کی سردار” کے حوالے سے فرمایا: حضرت مریم سلام اللہ علیہا اپنے زمانے کی عورتوں کی سردار تھیں، ان دونوں بزرگوار میں فرق یہ ہے کہ حضرت فاطمہ زہرا سلام اللہ علیہا ابتدائے تخلیق سے انتہائے خلقت تک دنیا کی تمام عورتوں کی سردار ہیں۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ علمی جلسات آپ کے دفتر واقع ایران، قم مقدس، خیابان چہار مردان، کوچہ 6 میں ایرانی وقت کے مطابق صبح 11:15 بجے منعقد ہوتا ہے‌۔

آپ ان علمی اجلاس کو براہ راست امام حسین علیہ السلام سیٹلائٹ چینل یا فروکوئنسی 12073 پر دیکھ سکتے ہیں.