روز قیامت حضرت عباس علیہ السلام کا مقام و مرتبہ دیکھ کر تمام شہداء رشک کریں گے: آیۃ اللہ العظمیٰ شیرازی
مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور منگل 5 شعبان المعظم سن 1446 ہجری کو منعقد ہوا۔ جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔
آیۃ اللہ العظمیٰ شیرازی نے قیامت کے دن حضرت عباس علیہ السلام کے عظیم مقام و مرتبہ کے سلسلہ میں فرمایا: آخرت میں تمام شہداء کے لئے عظیم مقام و مرتبہ ہے لیکن روایات کے مطابق حضرت ابو الفضل العباس علیہ السلام کا مقام و مرتبہ تمام شہداء سے بلند ہے کہ تمام شہداء جسے دیکھ کر رشک کریں گے۔
واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ علمی جلسات آپ کے دفتر واقع ایران، قم مقدس، خیابان چہار مردان، کوچہ 6 میں ایرانی وقت کے مطابق صبح 11:15 بجے منعقد ہوتا ہے۔
آپ ان علمی اجلاس کو براہ راست امام حسین علیہ السلام سیٹلائٹ چینل یا فروکوئنسی 12073 پر دیکھ سکتے ہیں.
