پاكستان ؛ ضلع کرم میں تکفیریوں کی ایک بار پھر فائرنگ، کئی افراد زخمی حالات کشیدہ
خیبر پختونخوا کے شورش زدہ ضلع کرم کے علاقے اپر کرم میں تکفیریوں کی جانب سے ایک بار پھر فائرنگ کا واقعہ پیش آیا ہے. اس بار فائرنگ بوشہرہ میں کی گئی جس سے عباس علی اور گل علی شدید زخمی ہوئے دونوںکو ڈی ایچ کیو اسپتال پہنچایا گیا. زخمیوںکاکہنا ہے وہ سرد موسم کی وجہ سے دھوپ میں بیٹھے تھے کہ اچانک تکفیری دہشتگردوں نے ان پر فائرنگ کردی.
قبائلی رہنما حاجی عابد نے تازہ صورت حال پر کہا ہے کہ تکفیری دہشتگردوں کی جانب سے بار بار امن معاہدے کی خلاف ورزی افسوسناک ہے۔ اب تک 14 بار معاہدے کی خلاف ورزیاںکی جاچکی ہیں حکومت کو چاہیے کہ وہ مزید حالات خراب ہونے سے بچانے کے لیے ان تکفیری دہشتگردوں کی خلاف ورزیوں کا فوری نوٹس لے اور انہیں کیفر کردار تک پہنچائے.
یاد رہے کہ خیبر پخونخوا حکومت کے ترجمان بیرسٹر سیف نے کہا تھا کہ ضلع کرم میں امن قائم ہو چکا ہے، لیکن زمینی حقائق اس کے برعکس ہیں۔
