کنشاسا، کانگو – مشرقی کانگو میں اتوار کی رات اسلامک اسٹیٹ سے منسلک انتہا پسند گروہ "الائیڈ ڈیموکریٹک فورسز” (ADF) کے حملے میں کم از کم 10 افراد ہلاک اور کئی افراد اغوا کر لیے گئے، فوجی ترجمان مک حضوکے نے پیر کو تصدیق کی۔
یہ حملہ شمالی کیوو کے علاقے باتنگی-مباؤ میں کیا گیا، جس کے دوران کئی مکانات کو بھی نذرِ آتش کر دیا گیا۔ ترجمان نے عوام سے محتاط رہنے کی اپیل کرتے ہوئے یقین دلایا کہ "ہم دشمن کو اپنے علاقے سے نکال باہر کریں گے۔”
مشرقی کانگو کئی دہائیوں سے مسلح تشدد کا شکار ہے، جہاں 120 سے زائد گروہ زمین، طاقت، اور معدنی وسائل پر قبضے کے لیے لڑ رہے ہیں۔ ان میں سے کئی گروہوں پر بڑے پیمانے پر قتل عام کا الزام ہے۔ تشدد کے نتیجے میں تقریباً 70 لاکھ افراد اپنے گھروں سے بے دخل ہو چکے ہیں۔
حالیہ برسوں میں ADF کے حملے شدت اختیار کر چکے ہیں، جو گوما، مشرقی کانگو کے مرکزی شہر اور پڑوسی صوبے ایتوری تک پھیل گئے ہیں۔ رواں ماہ کے آغاز میں بھی ADF نے شمالی کیوو کے ایک گاؤں میں 13 افراد کو قتل کر دیا تھا، جب کہ اقوام متحدہ اور حقوق کے گروہ ADF پر سینکڑوں افراد کے قتل اور بچوں سمیت بے شمار افراد کے اغوا کا الزام لگا چکے ہیں۔
