فلم "خاتون جنت" 20 سے زائد سیٹلائٹ چینلز پر نشر
20 سے زائد شیعہ سیٹلائٹ چینل پہلی بار بین الاقوامی فلم "خاتون جنت” کو متعدد زبانوں میں نشر کرنے کی تیاری کر رہے ہیں۔
یہ فلم 15 نومبر 2024 بروز جمعہ عراقی وقت کے مطابق 17:30 بجے نشر کی جائے گی۔ واضح رہے کہ "خاتون جنت” ایک تاریخی فلم ہے جسمیں حضرت فاطمہ زہرا سلام اللہ علیہا کی زندگی، ولادت سے شہادت تک کے حالات مذہبی اور تاریخی روایات کے مطابق شامل ہیں۔
واضح رہے کہ بین الاقوامی فنکاروں کے ایک گروپ کی موجودگی میں اس فلم کے سیکونز کی شوٹنگ 2016 میں شروع ہوئی اور 2020 تک جاری رہی جس سے اسے خصوصی بصری اثرات اور اعلی فنکارانہ اہمیت حاصل ہے۔
یہ بھی واضح رہے کہ اس فلم کو اہل بیت عصمت و طہارت علیہم السلام سے عقیدت رکھنے والوں نے بے حد پسند کیا اور سینما انڈسٹری سے دلچسپی رکھنے والوں کی دنیا بھر میں توجہ حاصل کی گئی۔
کیونکہ یہ ان فلموں میں سے ایک ہے جو اسلام میں حضرت فاطمہ زہرا سلام اللہ علیہا کی تاریخ اور اعلی مقام و منزلت کو واضح کرنے کی کوشش ہے۔
