شیعہ رائٹس واچ نے کوئٹہ میں دہشت گردانہ حملے کی مذمت کرتے ہوئے اس کا الزام حکومت پاکستان پر عائد کیا

شیعہ رائٹس واچ نے پاکستان کے شہر کوئٹہ میں ہونے والے حالیہ دہشت گردانہ حملہ کی شدید مذمت کی ہے جس میں درجنوں بے گناہ شیعہ شہید اور زخمی ہوئے ہیں۔

پاکستان کے جنوب مغرب میں واقع بلوچستان کے علاقہ میں ہونے والے اس حملہ نے ایک بار پھر اس ملک میں شدید سیکیورٹی اور انسانی مسائل کو آشکار کیا۔ انٹرنیشنل آرگنائزیشن فار دی ڈیفنس آف شیعہ رائٹس نے ایک بیان میں اعلان کیا کہ پاکستان میں شیعوں کے خلاف متواتر حملے نہ صرف مذہبی تشدد میں اضافے کی نشاندہی کرتے ہیں بلکہ ملک کے سیکورٹی اور نگرانی کے اقدامات میں گہرے خلاء کو بھی ظاہر کرتے ہیں۔

شیعہ رائٹس واچ نے پاکستانی حکومت سے کہا کہ وہ اپنے شہریوں کی جان و مال کی حفاظت کی ذمہ داری قبول کرے اور دہشت گردی کے ان جرائم کے مرتکب افراد کو انصاف کے کٹہرے میں لائے۔

تنظیم نے عالمی برادری سے یہ بھی کہا کہ وہ مذہبی اقلیتوں کے خلاف انسانی حقوق کی خلاف ورزیوں کو روکنے اور اس ملک میں تمام نسلی گروہوں اور مذاہب کے لئے محفوظ ماحول فراہم کرنے کے لئے حکومت پاکستان پر مزید دباؤ ڈالے۔

آخر میں شیعہ رائٹس واچ نے اس حملے کے متاثرین کے لئے دعا کی اور اللہ تعالی سے ان کے اہل خانہ کے لئے رحمت اور صبر کی بھی دعا کی۔