آسٹریلیا کے وزیراعظم انتھونی البانی نے 16 سال سے کم عمر بچوں کے لئے سوشل نیٹورکس پر پابندی کا قانون پاس کرنے کے اپنے منصوبے کا اعلان کیا اور اس بات پر زور دیا کہ ایسا قانون دنیا میں کہیں موجود نہیں ہے۔
دوسری جانب آسٹریلیا کی وزیر مواصلات مشیل رولینڈ نے بھی 16 سال سے کم عمر کے تمام نوجوانوں کے لئے ٹک ٹاک، انسٹاگرام، فیس بک، یوٹیوب اور ایکس پر پابندی کا اعلان کیا۔
آسٹریلیا میں بچوں کے لئے سوشل میڈیا پر پابندی لگانے کی تجویز اس سال کے شروع میں پیش کی گئی تھی اور اسے پارلیمنٹ میں دو طرفہ حمایت حاصل تھی۔
فرانس اور امریکہ میں بھی اسی طرح کے قوانین ہیں لیکن ایسا لگتا ہے کہ آسٹریلیا بچوں کے لیے سوشل میڈیا اور پابندی کے حوالے سے زیادہ سخت ہے۔
فرانس نے گزشتہ سال 15 سال سے کم عمر کے لئے سوشل میڈیا پر پابندی لگانے کی تجویز پیش کی تھی اور امریکہ نے ٹیک کمپنیوں کو حکم دیا کہ 13 سال سے کم عمر کے بچوں تک رسائی کے لئے والدین کی رضامندی حاصل کرنے کی ضرورت ہے۔
