اسلام آباد میں نامعلوم افراد کی فائرنگ سے سب انسپکٹر جاں بحق

اسلام آباد: وفاقی دارالحکومت کے تھانہ شہزاد ٹاؤن کے علاقے میں نامعلوم افراد کی فائرنگ سے سب انسپکٹر حیدر شاہ جاں بحق ہوگئے۔ پولیس کے مطابق یہ واقعہ حیدر شاہ کے گھر کے باہر پیش آیا، جہاں نامعلوم افراد نے فائرنگ کی۔ انہیں فوری طور پر پولی کلینک منتقل کیا گیا، لیکن وہ شدید زخمی ہونے کی وجہ سے جانبر نہ ہوسکے۔

پولیس ترجمان نے بتایا کہ حیدر علی شاہ شعبہ تفتیش تھانہ انڈسٹریل ایریا میں تعینات تھے اور وہ حیدر علی شاہ قتل کے مختلف مقدمات کے تفتیشی افسر تھے۔ اس واقعے نے علاقائی پولیس میں ایک سنسنی پھیلا دی ہے اور حکام نے واقعے کی تحقیقات کا آغاز کر دیا ہے تاکہ ملزمان کو جلد از جلد گرفتار کیا جا سکے۔ شہریوں میں خوف و ہراس کی کیفیت پائی جاتی ہے۔