میانمار کے مقامی حکام کا کہنا ہے کہ گزشتہ ہفتہ میں آنے والے سیلاب اور یاگی نامی طوفان کے بعد کم از کم 226 افراد ہلاک اور 77 لاپتہ ہو گئے ہیں۔
میانمار کے سرکاری میڈیا نے بتایا کہ حالیہ سیلاب سے اس ملک کے شہروں میں جانی نقصان کے علاوہ بھاری مالی نقصان بھی ہوا ہے۔اقوام متحدہ کے دفتر برائے رابطہ برائے انسانی امور نے بتایا کہ ان سیلابوں کے نتیجے میں 40 ہزار ہیکٹر اراضی اور 27 ہزار مکانات تباہ ہو گئے ہیں۔
رپورٹس کے مطابق تباہ کن سیلاب اور طوفان سے سب سے زیادہ نقصان دار الحکومت، ملک کی مشرقی اور جنوبی ریاستوں، نیپیتاو، منڈالے اور ان کی ریاست کو پہنچا ہے۔ امدادی تنظیموں کے مطابق میانمار کی 55 ملین آبادی میں سے ایک تہائی کو انسانی امداد کی ضرورت ہے اور وہ سیکیورٹی پابندیوں اور خطرات کے باعث انسانی امداد فراہم نہیں کر سکتے۔
ٹائفون یاگی 2024 میں ایشیا میں آنے والے طاقتور ترین طوفانوں میں سے ایک ہے جس نے حالیہ ہفتوں میں ویت نام، لاؤس، تھائی لینڈ، چین اور میانمار میں سینکڑوں ہلاکتیں اور بھاری مالی نقصان کیا ہے۔
