لاکھوں زائرین اربعین کو انسانی حساب اور انجینئرنگ سے پانی فراہم کرنا ممکن نہیں ہے اور اس میں یقینا کوئی غیبی امداد ہے: ڈائریکٹر محکمہ آب رسانی ،کربلا

پیر کے روز امام حسین ٹی وی چینل کے فارسی سیکشن کے پروگرام "سلام کربلا” میں کربلا کے محکمہ آب رسانی کے ڈائریکٹر انجینیئر محمد نصراوی مہمان ہوئے، جس میں انہوں نے شہر کربلا خصوصا زیارت اربعین کے سلسلہ میں پوچھے گئے سوالات کے جوابات دیے۔ اس سلسلہ میں ہمارے ساتھی رپورٹر کی تیار کردہ رپورٹ پر توجہ دیں۔ کربلا شہر کے پانی محکمہ کے ڈائریکٹر انجینیئر محمد نصراوی نے امام حسین ٹی وی چینل کے فارسی سیکشن "سلام کربلا” پروگرام میں شرکت کی، جس میں انہوں نے کربلا معلی خصوصا زیارت اربعین کے سلسلہ میں پوچھے گئے سوالوں کے جوابات دیے۔ انہوں نے ان تمام حسینی موکب کا شکریہ ادا کرتے ہوئے جو لاکھوں زائرین اربعین حسینی کے قیام و طعام کا مفت اہتمام کرتے ہیں، کہا: یہ خدمت صرف یہ موکب ہی انجام دے سکتے ہیں ورنہ عراق یا کسی دوسرے ملک کا کوئی ادارہ لاکھوں زائرین کی یہ خدمت انجام نہیں دے سکتا۔

انجینیئر محمد نصراوی نے اس بات پر زور دیا کہ حسینی موکب زائرین اربعین کی خدمت میں سب سے پہلے ہیں، انہوں نے مزید بتایا کہ ہم شہر کربلا میں معاون دفاتر میں خود کو امام حسین علیہ السلام کا خادم سمجھتے ہیں اور ہمیں زائرین کی خدمت کے لئے مل کر کام کرنا چاہیے۔ شہر کربلا کے محکمہ پانی کے ڈائریکٹر نے یہ بتاتے ہوئے کہ کربلا میں پانی کی تمام ضروریات عام دنوں، زیارت کے ایام اور اربعین کے موقع پر جب لاکھوں زائرین کربلا میں ہوتے ہیں پانی کا اہتمام کربلا کے اندر سے ہی فراہم کیا جاتا ہے، کہا: زیارت اربعین کے دوران لاکھوں زائرین کی موجودگی کے باوجود جس میں پانی کی کھپت میں 300 سے 400 فیصد تک اضافہ ہو جاتا ہے، ہم صرف اتنا کہہ سکتے ہیں کہ اللہ تعالی کے فضل و کرم سے اس مقدار میں پانی فراہم ہوتا ہے اور ہم کربلا کے باہر سے پانی نہیں لیتے ہیں۔

انجینیئر محمد نصراوی نے تاکید کی کہ زیارت اربعین کے آخری ایام میں کربلا کے 30 ملین باشندوں کے علاوہ عراق اور دنیا کے دیگر حصوں سے تقریبا 10 ملین افراد اس شہر میں آئیں گے، کہا: یہ تعداد اتنی ہی مقدار میں تیار شدہ پانی کو پینے، وضو، نہانے اور دیگر مقاصد کے لئے استعمال ہوتا ہے اور الحمدللہ ہمیں کسی قسم کی پریشانی کا سامنا نہیں کرنا پڑتا۔ کربلا سٹی واٹر ڈیپارٹمنٹ کے ڈائریکٹر نے نشاندہی کی کہ یہ مسئلہ عام انسانی حسابات میں غیر معقول ہے کیونکہ ہماری خدمات صرف کربلا کے 30 لاکھ باشندوں کو سال بھر پانی فراہم کرنے کی ذمہ دار ہے۔ لیکن خوش قسمتی سے زیارت اربعین کے دوران لوگوں کی تعداد میں اضافہ کے باوجود انہیں پانی فراہم کرنے میں کوئی مسئلہ نہیں ہے اور تمام انجینئرنگ اور سائنسی حسابات اس مسئلہ کا جواب دینے سے قاصر ہیں، درحقیقت یہ انتظام صرف خداوند عالم کی جانب سے ہوتا ہے اور اس میں غیبی امداد اور امام حسین علیہ السلام کی عنایت ہے۔

انجینیئر محمد نصراوی نے اس بات پر زور دیتے ہوئے کہ ہم اہل بیت علیہم السلام کے شیعہ ہیں اور ہم اس پر یقین رکھتے ہیں، کہا: اس لئے زیارت اربعین کے دوران ہم بغیر کسی تھکاوٹ کے کام کرتے ہیں اور اس مسئلہ میں نہ صرف کربلا کے پانی کا محکمہ شامل ہے بلکہ کربلا شہر کے تمام خدمات فراہم کرنے والوں کو بھی شامل ہے تاکہ ہم امام حسین علیہ السلام اور ان کے زائرین کے سامنے سرخرو ہو سکیں۔ اسی دوران شہر کربلا کے محکمہ پانی کے ڈائریکٹر نے حسینی موکب، شہریوں اور زائرین سے کہا کہ وہ پانی کی بچت کریں تاکہ زیادہ سے زیادہ لوگ پانی کا استعمال کر سکیں اور کربلا شہر کے پانی محکمہ کے ساتھ مسلسل رابطے میں رہتے ہوئے انہیں پانی کی فراہمی اور غیر مجاز پائپنگ جیسے من مانی اقدامات سے گریز کرنا چاہیے۔