عراقی وزارت ٹرانسپورٹ نے زائرین اربعین حسینی کو کربلا لے جانے کا منصوبہ شروع کر دیا
عراق کی وزارت ٹرانسپورٹ نے سرحدی علاقوں سے کربلا تک زائرین اربعین سروس کے منصوبے کے آغاز کی خبر دی۔اس سلسلہ میں ہمارے ساتھی رپورٹر کی رپورٹ پر توجہ دیں۔ عراق کی وزارت ٹرانسپورٹ کے میڈیا آفس نے بتایا: اس وزارت نے اس ذیلی گروپ کے تمام محکموں اور تنظیموں کے ساتھ مل کر زیارت اربعین کے دوران زائرین حسینی کو خدمات فراہم کرنے کے لئے ایک خصوصی منصوبہ شروع کیا ہے۔ اس رپورٹ میں آیا ہے: وزیر ٹرانسپورٹ کے حکم سے اس وزارت کا آپریشن روم انتظامی معاون کی سربراہی میں تشکیل دیا گیا ہے اور اس سروس کے نفاذ کو شروع کرنے کے لئے وزارت کے جنرل مینجر اور متعلقہ اداروں کے حکام شریک ہیں کہ اربعین کے دنوں میں منصوبہ پر عمل در آمد کرتے ہوئے امام حسین علیہ السلام کے زائرین کو بہترین خدمات فراہم کرنے کی کوشش کریں۔ عراقی وزارت ٹرانسپورٹ کے میڈیا آفس نے مزید بتایا: اس وزارت کے ذیلی کمیٹیوں اور تنظیموں نے زیارت اربعین کمیٹی کے تعاون سے تیار کئے گئے منصوبہ کی بنیاد پر سرحدی گذرگاہوں سے زائرین کو کربلا شہر تک پہنچانے کا کام شروع کر دیا ہے۔
انہوں نے مزید بتایا: پبلک ٹرانسپورٹ کمپنیوں اور پرائیویٹ ٹرانسپورٹ مینجمنٹ نے بھی اس شعبہ میں اپنی سرگرمیاں شروع کر دی ہیں اور وہ وزارت ٹرانسپورٹ اور صوبائی دفاتر کے آپریشن روم کی نگرانی میں شلمچہ، چذابہ، خسروی اور مہران بارڈر کراسنگ سے خدمات فراہم کرتے ہیں۔ عراقی وزارت ٹرانسپورٹ کے میڈیا آفس نے بتایا: اس منصوبہ پر عمل درآمد کے لئے زائرین کو کربلا شہر تک پہنچانے کے لئے شلمچہ سرحدی گزرگاہ سے بصرہ ریلوے اسٹیشن اور مسافر ٹرمینل تک گاڑیوں کا منصوبہ بنایا گیا ہے۔ اس خصوصی منصوبہ میں پبلک ٹرانسپورٹ کمپنی نے بارڈر کراسنگ پر زائرین کو لے جانے کے لئے 50 بسیں مختص کی ہیں اور ضرورت کے مطابق 600 بسیں اور 50 ریزرو بسیں نقل و حمل کے محور میں چلانے کے لئے تیار کی ہیں۔
نیز عراقی ریلوے کمپنی محور بغداد کربلا, بصرہ کربلا، سوق الشویخ _ ناصریہ _ کربلا، دیوانیہ کربلا اور اسی طرح واپسی کے لئے 16 جدید ٹرینیں تیار کی ہیں۔ اس بیان میں اس خصوصی منصوبہ کے فریم ورک میں عراقی فضائی کمپنیوں کی سرگرمیوں کے حوالے سے ذکر کیا گیا: عراق کی کے فضائی بیڑے کی سرگرمیاں بھی شروع ہو گئی ہیں اور بغداد اور نجف کے بین الاقوامی ہوائی اڈوں نے 26 طیاروں کے ساتھ ان تمام ممالک کے لئے خدمات انجام دینا شروع کر دی ہیں جہاں سے زائرین حسینی عراق آئیں گے جن میں بحرین، کویت، بیروت، ایران، ہندوستان اور پاکستان وغیرہ شامل ہیں۔ اس کے علاوہ بغداد اور نجف کے بین الاقوامی ہوائی اڈوں کے داخلی راستوں سے زائرین کو کربلا شہر تک پہنچانے کے لئے بسوں کا انتظام کیا گیا ہے۔
اس خصوصی منصوبہ میں زیارت اربعین کمیٹی کے تعاون سے 130 ٹرک اس وزارت کے ذہنی زمروں کے لئے لاجسٹک سپورٹ کے لئے حصہ لیں گے۔ اس بیان کے مطابق انتظامی امور کے نائب اور وزارت ٹرانسپورٹ کے آپریشن روم کے سربراہ حاذم الحفاظی نے بتایا: تمام متعلقہ ادارے زیارت اربعین حسینی کے دوران طے شدہ پروگراموں کو عملی جامہ پہنانے کے لئے پوری طرح تیار ہیں۔ عرافی وزارت ٹرانسپورٹ کے میڈیا آفس میں بتایا: ٹرانسپورٹ وزیر نے زائرین حسینی کو بہترین خدمات فراہم کرنے کے لئے متعلقہ ایجنسیوں کے ساتھ مل کر اس وزارت کے دیدی گروپوں کے ذریعے سروس پلان پر عمل در امد کے لیے فیلڈ کمیٹیاں تشکیل دینے کا حکم دیا ہے۔
