جرمنی؛ ہیمبرگ اسلامک سنٹر میں یوم عاشورا کی مجلس و عزاداری کا انعقاد

جرمنی کے شہر ہیمبرگ کے ہیمبرگ اسلامک سنٹر (Islamic Centre of Hamburg) میں عاشورہ حسینی کی مجلسِ عزا سے حجت الاسلام والمسلمین ڈاکٹر محمد ہادی مفتح نے خطاب کیا۔

حجت الاسلام والمسلمین محمد ہادی مفتح نے مجلس عزا سے خطاب کے دران زیارتِ اربعین کی اہمیت و فضیلت کو بیان کرتے ہوئے حضرت ابا عبداللہ الحسین علیہ السلام کے قیام میں بیداری کے عنصر کی طرف اشارہ کیا اور اس کے مختلف معانی پر سیرحاصل گفتگو کی۔

عزاداری کے یہ مراسم، جس میں 4000 سے زیادہ حسینی سوگواروں، مردوں، عورتوں اور بچوں نے شرکت کی، ظہرِ عاشورہ کی نماز باجماعت اور تبرک و نیاز کی تقسیم کے ساتھ اختتام پذیر ہوئے۔