انڈونیشیا میں واقع سلاویسی جزیرہ میں سونے کی ایک غیر قانونی کان میں لینڈ سلائڈنگ کا واقعہ پیش آیا ہے جس میں کم و بیش 23 افراد جاں بحق ہو گئے۔ بتایا جاتا ہے کہ اتوار 7 جولائی کو یہ حادثہ پیش آیا، لیکن موسم خراب ہونے کی وجہ سے بچاؤ کاری کے عمل میں رخنہ اندازی ہوئی اور اب منگل (9 جولائی) کو راحت و بچاؤ کاری عملہ نے ملبہ ہٹا کر لاپتہ لوگوں کی تلاش شروع کر دی۔ کئی لاشیں باہر نکالی جا چکی ہیں اور مزید لاپتہ افراد کی تلاش جاری ہے۔
