ساکنان ولایت نیمروز به برخی از رسانه ها گفته اند گفته اند که بازار قاچاقچیان انسان، در این ولایت پس از فرمان رهبر طالبان همچنان فعال است.
به گفته‌ی ساکنان ولایت نیمروز، طالبان به‌جای جلوگیری از قاچاق انسان، به روحانیون مساجد وظیفه سپرده‌اند تا در مساجد تبلیغ کنند و خودشان تنها به نصب بنر در شهر بسنده کرده‌اند.
در همین حال، برخی از قاچاقچیان انسان در نیمروز می‌گویند که هبت‌الله آخوندزاده، «رهبر طالبان»، دستور ممنوعیت قاچاق انسان را صادر کرده است، اما مقام‌های محلی طالبان، از قاچاقچیان پول می‌گیرند.
به گفته آنان، تعدادی از فرماندهان طالبان در قاچاق انسان شریک هستند و از این طریق پول‌های هنگفت به دست می‌آورند.
