عفو بین‌الملل بازداشت مهاجران در پاکستان را «سیاست تبعیض آمیز» در برابر مهاجران افغانستان خواند.
سازمان عفو بین‌الملل از روند بازداشت‌های خودسرانه، آزار و اذیت واخراج مهاجران افغانستان در پاکستان انتقاد کرده و افزوده است که این اقدام بخشی از «سیاست تبعیض‌آمیز بزرگتر پاکستان در برابر مهاجران افغان» است.
در همین راستا، بابو رام پنت، «معاون بخش جنوب‌آسیا در عفوبین‌الملل»، از اخراج اجباری مهاجران افغانستان از پاکستان ابراز نگرانی و از این کشور خواسته تا به تعهدات خود بر اساس قوانین بین‌المللی، از جمله اصل منع بازگرداندن اجباری پایبند باشد.
