افغانستانی هایی که پس از روی کار آمدن دوباره‌ی طالبان به تاجیکستان رفته‌اند از مشکلات اقامت در این کشور و سوء‌استفاده‌ی نهادها از حقوق مهاجران شکایت می‌کنند.
یک مهاجر افغانستانی که در تاجیکستان به سر می‌برد به خامه پرس گفت که شمار زیادی از مهاجران علی‌رغم داشتن تمام اسناد لازم برای اقامت در تاجیکستان در معرض اخراج از این کشور قرار دارند.
به گفته‌ی او، «مدت بیشتر از یک ماه می‌شود که در معرض اخراج شدن بدون دلیل قرار داریم. سفارت افغانستان در تاجیکستان و دیگر نهادهایی که برای رسیدگی به مهاجرین تشکیل شده از این مشکل اطلاع دارند اما کاری نمی‌کنند.»
پس از رویکار آمدن دوباره‌ی طالبان در افغانستان، میلیون‌های شهروند دست به مهاجرت زدند. از این میان هزاران نفر به تاجیکستان، همسایه‌ی شمالی افغانستان رفتند.
گفتنی است، آمار اداره مهاجران خارجی تاجیکستان نشان می‌دهد تا اواخر1402 شمسی حدود شش هزار مهاجر افغانستانی در تاجیکستان حضور داشتند.
